火鍋英雄 (已結業)

最近天氣又涼返，於是我同朋友喺銅鑼灣附近搵打邊爐嘅鋪頭，我哋去到B出口附近，記得有間火鍋英雄唔錯，於是就入去食。 入面坐得好寬敞，兩個人都可以坐四個人嘅卡位，店員首先送上八碟前菜。 之後我哋點咗個胡椒豬肚雞湯，另外我哋叫咗一啲火鍋嘅配料，美國極品肥牛，招牌四寶丸，西班牙黑豚肉，雜菜籃，酥炸響鈴，韭菜水餃，四川紹粉。 胡椒豬肚雞湯好快送上，入邊有好多豬肚同埋雞，豬肚好大塊，好爽口同厚切。啲雞亦都好嫩滑好新鮮。 之後係啲美國極品肥牛，同黑西班牙黑豚肉，肥牛同黑豚肉都好新鮮。 最後四川紹粉嘅味道都好特別，紹粉質地好爽口，同個胡椒豬肚雞湯好夾。