帝景軒 (已結業)

難得同朋友去食自助餐，而且仲有職員券，咁梗係想去啦，但係因為其他地方都爆曬淨係得呢一間有位，咁就過黎試下…… 去到點知極度失望。 野食份量好少 ，同埋嘢食嘅質素味道我覺得好極度普通， 麵 冇乜味，啲配料都唔吸引 。冷盤都係只屬正常，唔覺得特別好食。 刺身方面唔新鮮，特別係吞拿魚。 甜品味道都唔差，但係唔算話十分之好食。熱盤計過大約得15款留下，以一個原價400幾蚊嘅自助餐嚟講實在好唔抵 ，而且佢哋食到九點半，我哋八點鐘已經問仲有冇西瓜，但係等咗起碼半個鐘待應未拎返啲西瓜出嚟，真係覺得好似四百幾蚊連想食舊西瓜都冇就覺得好失望。 以咁嘅價錢嚟講， 真係好失望，好彩今日都係因為有餐券，但係我哋最後都係食唔飽最後再出返去荃灣食嘢， 唔明點解啲人話咁好食真係覺得有啲奇怪。