紅館 (海堤街)

營業中

休息中

唔知幾時開始，每區都一間專食辣野既餐廳。適逢岩岩係鰂魚涌做咗野，特登約埋朋友過黎一齊食辣減壓！一早book定位，果晚係第一枱客，佢鋪位細細，加上係後巷入面，名乎其實係「隱世小店」。我地叫咗幾樣野，最推薦係佢個椒麻雞！堅麻，食到個嘴唇卑哂，好過癮！成都冒菜 — 一大碗有唔同配料，主要係蔬菜類（例如白蘿蔔、青瓜、金菇、芽菜）加少少牛肉，個人覺得個味道唔錯，但性價比偏低。之後又叫咗個陳醋皮蛋同大魚蛋，皮蛋正常發揮但估唔到佢個大魚蛋好彈牙！而且大魚蛋係唔辣，反而係甜！估佢唔到！要留意既係，啤酒方面佢只係有青島，自己買酒會收返$50開瓶費。