一盛極牛 (已結業)

本身對拉麵唔算太好，因為覺得食來食去都差唔多。見呢間出名有和牛食，就想試下啦。試完都算唔錯架。門面內裝都做得唔錯，一切以傳統日式裝修為主，配合日本電影海報，別有風味。坐位都寛敞舒適，唔太迫，食個麵都感覺遊閑自在。主打食物款式唔多，和牛拉麵同牛肉丼飯，夠晒專精。叫了碗白牛拉麵，湯底由牛骨淆製而成，非常濃郁，牛香撲鼻。加埋白松露既香味，濃而不嗆，味道一流。和牛刺身為熊本懸頂級和牛，名為和王。食落口感軟熟幼滑，刺身食法完全沒有腥感，品質一流。另一碗極牛拉麵，分別只係沒有白松露，更能品嚐牛骨湯原味。牛肉為燒牛，同樣夠嫩，但多了一份油脂感，配搭一流。兩碗同樣加上溫泉蛋，增加飽肚滿足感。