金坊泰國美食

營業中

休息中

今日諗住一大班朋友約埋一齊食飯團年，見好多餐廳鋪頭都沒開。咁依間之前都食過，見佢有開門營業。咁就早幾日打電話去問，初三有沒得訂位啦！店鋪就話有得訂位，咁我就訂7位8點啦。我同太太就早少少去到通知人哋啦，等到八點朋友們都嚟齊。就再通知人齊，店面就話等多一陣。一等就等到八點半，都仲未有枱。咁新年都算啦，咁咪為左大家開心就再等，前後等左一個鐘。朋友都話咁樣等唔係辦法，不如轉場食飯啦。咁我就自己行去通知鋪頭，我哋唔等啦！咁佢都有講唔好意思，但最尾仲講多一句：新年沒辦法。佢唔講依句都沒事，一講依句就上頭，要我初三同你開年。乜樣新年沒辦法呀？我話我一早打電話嚟訂位，係您哋安排失當，唔係我問題。您明知新年多人，就一係就唔好接受電話訂位，要人自己嚟排隊等候。唔係我訂左枱都仲要等左成個鐘囉！同我講話枱客已經食晒嘢準備走人，但我有眼睇到係個枱客。根本都無意欲起身走人，仲喺度慢慢食甜品飲啤酒。咁樣嘅服務態度點得架，寫上嚟係希望大家睇清楚。