影片
更多
2010-05-03
66 瀏覽
星期六一家人諗住開開心心食飯， Mega Box 啲餐廳都去到悶， 試一試鍾菜， 多年前食過銅鑼灣時代o個間， 印象不差。電話訂位時接線生好有禮貌， 所以滿懷希望。點知...到達櫃檯， 話姓X九位， 姐姐無咩理我， 都無所謂。 最乞人憎係有個男侍應响我哋面前大動作咁行嚟行去， 調戲啲姐姐。 大佬， 有大肚婆响度架， 小心啲啦， 唔該！ 無禮貌！一坐低只見兩張菜牌， 係”張“唔係“本”。 我見咁少嘢食， 同埋得番啲又貴又搵笨啲套餐， 就問侍應有無其它餐牌， 侍應先同我講話無， 我追問之下佢先話今日係母親節“備課”， 準備下星期母親節（9／5）， 佢真係講“備課”架， 我quote佢咋！心諗， 晨早响我頂位時同我講今日備課， 無平時啲菜叫， 我可能唔嚟架嘛， 一啲都唔老實。此時已經有啲興興哋， 心諗唔洗咁大陣仗啊嘛！ 唔通母親節後一個星期就“覆卷”， 接住就端午節備課、 覆卷， 佛誕備課、 覆卷。 咁搞法個個禮拜都淨叫套餐啦。 有無搞錯！點都好， 無辦法， 好奇的我問侍應可唔可以叫其它菜式， 佢話試試問吓師傅， 有貨的話可以做。 此時我又滿懷希望， 心諗叫一啲家常菜就無死， 例如中式牛
電話訂位時接線生好有禮貌， 所以滿懷希望。點知...
到達櫃檯， 話姓X九位， 姐姐無咩理我， 都無所謂。 最乞人憎係有個男侍應响我哋面前大動作咁行嚟行去， 調戲啲姐姐。 大佬， 有大肚婆响度架， 小心啲啦， 唔該！ 無禮貌！
一坐低只見兩張菜牌， 係”張“唔係“本”。 我見咁少嘢食， 同埋得番啲又貴又搵笨啲套餐， 就問侍應有無其它餐牌， 侍應先同我講話無， 我追問之下佢先話今日係母親節“備課”， 準備下星期母親節（9／5）， 佢真係講“備課”架， 我quote佢咋！心諗， 晨早响我頂位時同我講今日備課， 無平時啲菜叫， 我可能唔嚟架嘛， 一啲都唔老實。
此時已經有啲興興哋， 心諗唔洗咁大陣仗啊嘛！ 唔通母親節後一個星期就“覆卷”， 接住就端午節備課、 覆卷， 佛誕備課、 覆卷。 咁搞法個個禮拜都淨叫套餐啦。 有無搞錯！
點都好， 無辦法， 好奇的我問侍應可唔可以叫其它菜式， 佢話試試問吓師傅， 有貨的話可以做。 此時我又滿懷希望， 心諗叫一啲家常菜就無死， 例如中式牛柳。 跟住扯火o既事嚟喇。
我叫咗叉燒、 火腩、 半隻燒雞， 半隻豉油雞， 兩碟菜， 咕嚕肉， 一直相安無事（因為菜牌有）。 當我叫個中式牛柳時， 個侍應竟然問番我“菜牌有無架”。 不但止咁， 仲問我點煮！！ 痴架！ 我之所以叫中式牛柳係因為菜牌上有一味“黑椒荔枝牛柳”， 有“牛柳”吖嘛咯呱咋嘛吓話， 個汁好易整咋掛。 我再叫個“荷葉飯”， 唔係我作架， 菜牌套餐有“荷葉飯”架。 點知個侍應問完師傅番嚟話“無牛柳”！！ 我立即發難， 之前又話“有貨的話可以做”！ 佢堅持話無， 仲逼我叫黑椒荔枝牛柳！ 算數， 黑椒咪黑椒。 好喇， 輪到個“荷葉飯”， 個侍應竟然問我“先生， 响邊度睇到個荷葉飯”！ 我好興咁指住張菜牌話”呢度“， 我問佢”我係未盲架， 幫我叫眼科醫生嚟“。 佢終於發現“荷葉飯”三個字， 但係話套餐入面啲嘢唔可以叫！ 又係痴架！ 做唔到個中式汁都算， 連菜牌有o既都“唔俾叫”， 我的反應係“你俾個價錢我， 點可能無得叫”， 佢死都唔俾我叫， 連問吓單叫一個荷葉飯幾錢都唔幫我問， 好過份！ 不過成檯人叫我唔好勞嘈， 我叫個蛋白炒飯算。 好火滾！
菜一路咁上， 由於檯大， 我見其它檯有轉盤， 我問侍應可唔可以安排一個轉盤俾我哋， 佢話無晒！ 有無搞錯！ 咁大間酒樓， 你有咁多張大檯就唔該你準備番咁多個轉盤啦！ 家陣又唔係叫你另外响角落後巷天台廁所開張大檯俾我哋！ 過份。 搞到個個要趴上檯夾餸。
話雖如此， 公平啲， 食物啲味道算可以， 不至於難食。 不過份量就嚇死人。 半隻豉油雞一嚟， 我哋一行九人一齊企晒起身望入個煲， 我哋以為上咗個半隻豉油”乳鴿“， 細到吖！
啲菜喇， 我哋叫咗兩款菜， ”雜菇菜苗“同”腐乳雞絲唐生菜“。 嘩！ 一上就係兩碟唐生菜。 問一吓侍應呢個（雜菇唐生菜）係咩”菜苗“咁勁， 佢大膽到話係“唐生菜菜苗”！！ 我話真係未聽過。 我又問點解個”腐乳雞絲唐生菜“無雞絲呢， 佢即刻去廚房， 番嚟時話其實個“唐生菜菜苗”係搞錯， 係“唐生菜”嚟； 另外個”腐乳雞絲唐生菜“廚房漏咗”雞絲“， 仲問番我點算！！ 我心諗有無搞錯， 錢你一定收足， 料就完全唔足， 仲要問我點！ 我叫佢整番啲o岩o既得喇， 佢先死死氣攞番碟”腐乳＿＿唐生菜“入去煮過。 最後， 當大家”遛“o緊牙時先上度腐乳雞絲唐生菜， 被佢吹脹。
最後埋單好平， 因為樣樣都唔俾我叫， 食咗＄8XX。 好唔飽架， 番屋企食番個芒果糯米飯先頂得住。
總括嚟講， 味道一般， 但service勁差， 侍應面皮好厚， 面皮厚本來係好， 但佢面皮厚得好蠢， 講之前都無諗後果， 態度又唔好。澄清一點， 講來講去只得一個女侍應， 唔好屈其他侍應。 今次之後， 我真係唔會番去！
張貼