越棧越式湯粉專門店 (荷里活廣場) (已結業)

星期日喺荷里活廣場，周圍都好多人，見呢一間唔算多人即刻有位，就入去食下午茶。原本覺得佢個價錢都OK抵食$46 份，但係一嚟到真係有驚嚇到，牛腩飯得四粒牛腩，係四粒。飯就好多，一大碗。以為朋友食生牛肉河粉會好啲，點知都係得兩片牛肉，係兩片，一樣河粉係有一碗的。如果佢覺得啲肉貴，起碼俾多少少配菜，俾人送飯，佢係連配菜都冇嘜㗎。職員態度就正正常常，啲枱枱凳凳都乾淨。如果要調味料就要自己行去拎，職員唔會招呼你。如果真係周圍冇位想入嚟呢度食，唔知會唔會叫豬扒會好啲，估計豬扒應該有一塊…..啩！唔肯定。