牛摩+ (上水廣場) (已結業)

最近疫情爆得咁勁，無得周圍去，好彩係爆發前已經刷咗餐好嘢～身為牛魔王嘅我又點可以唔試下呢間位於上水嘅牛摩👍入座時間為5時半，大家都未收工所以都好多位，到大約6時半，門口已經大排長龍，座無虛席！舖頭空間唔大但唔算細，座位都算闊絡坐得幾舒服嘅，今次我就揀咗美國極品牛小排海鮮四點盛，果然無令我失望～不論牛肉定海鮮嘅質素都好好，好新鮮🥰餐廳用QR CODE電子落單系統，方便又快捷，飲品、甜品、蔬菜、丸類則可到自助區自取，不得不讚，飲品方面除咗有罐裝汽水外，仲有咖啡機同沙冰，真係好surprise 😍係呢個套餐入面，牛肉火鍋片有兩款：極品小牛排、美國極上和牛，不過質素極高，不斷encore都唔會怕食厭～當然亦可以選擇呢個套餐以下級數嘅火鍋片～海鮮有帆立貝、蝦、墨魚仔、蠔、花膠、魚滑，都算唔錯～不過令我驚喜嘅係兩款牛丸：超濃味牛骨湯味牛丸、經典港式醬爆瀨丸牛丸，非常極之令人回味無窮，不過encore😍食完又食😝食完就絕對明白點解咁多人排曬長龍都要食牛摩了！題外話：店員好warm，見到我拎自助飲品會主動幫手幫我拎翻埋位🥰