星河小食 (已結業)

一直有聽住在西灣河朋友說過，有個好好味豬扒包，難得星期日，約左朋友去鋰景灣飲野，所以去拜會下，成日都以為間野係太安樓，原來唔係，係隔離條街上少少斜路，終於黎到星河門口，舖頭兩邊貼滿食物，豬扒包廣告好養眼，嗱嗱叫一個豬扒包！等左大約五分鐘，熱辣辣豬扒包終於到手，一打開好驚喜大大個豬扒包，個包d芝麻好香，炸豬扒好厚身，厚得黎又唔覺得好肥膩，不過我最鐘意係個酸酸地既沙律汁，個味好特別，我食完都會掛住個汁，夏天食確係特別開胃而個包包入面生菜，蕃茄都好新鮮，呢個價錢呢個高質素包確係好抵 難怪朋友常常推介