嘉寶漢堡 (已搬遷) 新店位置

平價漢堡，一個餐一舊水有找，我食黑松露芝士牛堡，牛肉好juicy，黑松露味好重！見到個close up睇到好多黑色一點點嘅野就係黑松露。同我一樣鍾意黑松露嘅你係必試。另外一個係香辣煙肉蘑菇芝士牛堡。呢個冇乜大特別，牛肉有肉汁，辣辣地好惹味！我地加左錢轉餐，配菜係炸燒賣同蕃薯條。炸燒賣我第一次食。其實只係炸魚肉燒賣，但呢個食法真係好特別，上面加左一層芝士極邪惡。橙橙紅紅地顏色係蕃薯條，超好食，蕃薯本身甜，再加啲鹽，非常好食，極度推薦。嘉寶漢堡細細間，入面有得堂食，不過座位好少，等位需要好多耐性。總結係非常出色嘅小店，足料非常有誠意，絕對唔輸俾啲大牌子嘅漢堡包店。咁嘅價錢有呢個質素，冇得輸，呢間絕對係平價之選。