影片
更多
2017-09-19
23 瀏覽
紅磡近港鐵黃埔站，一向美食多，而家仲方便有地鐵直達，今次四個人就去試吓小菜。餐牌入面有好多種食物選擇，全部都係送飯一流。首先叫咗「川味水煮魚」，我哋有幾個比較鍾意食魚，特別係我哋兩個女仔，辣度就係小辣，就咁睇都有好多魚片喺面頭，食落去比我想像中小骨，而且有好新鮮嘅魚味道，酸酸辣辣好醒胃，原來最底部有芽菜，雲耳同埋酸辣粉， 非常足料，呢啲配菜仲更入哂味。「客家煎釀豆腐」用鐵板上，中間有「芫荽」做點綴，連我平時都唔鍾意食芫荽同埋聞到會好討厭嗰陣味道，竟然今次冇抗拒，原因就係煎釀豆腐煎得好香，呈現金黃色，佢啲汁味道好香濃，滲頭晒係豆腐入面，食落去豆腐好入味好滑，最重要係唔會好易散，而且每件豆腐上面都有蝦滑，每一啖都有多種口感。其實每一款菜式都好好食，我最鍾意就係「蜜椒金薯安格斯粒」，牛柳粒面頭上有好多黑椒粒同埋蜜糖醬，食落去唔會太辣，仲有少少脆脆蜜糖嘅口感，而且牛柳粒好鬆軟唔難消化，不得不提啲金薯，煎到外脆內軟，咬落去好香口，好正。「霸王雞」叫咗半隻份量，賣相已經好吸引，雞皮是黃色，望落去都好滑。食落去雞肉嫩口夠味，再配埋白飯食，認真滋味。見到每一台都叫咗「啫啫蝦干通菜煲」，當我食落去嘅時候
紅磡近港鐵黃埔站，一向美食多，而家仲方便有地鐵直達，今次四個人就去試吓小菜。
餐牌入面有好多種食物選擇，全部都係送飯一流。首先叫咗「川味水煮魚」，我哋有幾個比較鍾意食魚，特別係我哋兩個女仔，辣度就係小辣，就咁睇都有好多魚片喺面頭，食落去比我想像中小骨，而且有好新鮮嘅魚味道，酸酸辣辣好醒胃，原來最底部有芽菜，雲耳同埋酸辣粉， 非常足料，呢啲配菜仲更入哂味。
「客家煎釀豆腐」用鐵板上，中間有「芫荽」做點綴，連我平時都唔鍾意食芫荽同埋聞到會好討厭嗰陣味道，竟然今次冇抗拒，原因就係煎釀豆腐煎得好香，呈現金黃色，佢啲汁味道好香濃，滲頭晒係豆腐入面，食落去豆腐好入味好滑，最重要係唔會好易散，而且每件豆腐上面都有蝦滑，每一啖都有多種口感。
其實每一款菜式都好好食，我最鍾意就係「蜜椒金薯安格斯粒」，牛柳粒面頭上有好多黑椒粒同埋蜜糖醬，食落去唔會太辣，仲有少少脆脆蜜糖嘅口感，而且牛柳粒好鬆軟唔難消化，不得不提啲金薯，煎到外脆內軟，咬落去好香口，好正。
「霸王雞」叫咗半隻份量，賣相已經好吸引，雞皮是黃色，望落去都好滑。食落去雞肉嫩口夠味，再配埋白飯食，認真滋味。
見到每一台都叫咗「啫啫蝦干通菜煲」，當我食落去嘅時候就知道係乜嘢原因了，因為真係炒得好有鑊氣，而且係用鐵板上，同樣可以保存通菜嘅溫度，最重要係通菜連埋啲肉碎粒好夠味，有少少辣味，味道好香濃，送幾碗白飯都得。飲品方面，包括有啤酒，汽水，凍檸茶，凍奶茶等等，多款選擇。
各類小菜都好有客家風味，呢間餐廳食打邊爐同埋小菜都係唔錯嘅選擇，極力推薦。
張貼
