湯煲私房火鍋

營業中

休息中

湯煲私房火鍋係一間主打高質食材嘅中高檔私房火鍋，店面唔算大，只坐倒幾枱人，店內亦冇乜裝修，價錢大部份反映喺食材上。醬料費$30/人，雖然醬料選擇看似唔多，不過最特別係下面中間嘅蝦蟹醬，係店家自家製，比一般XO醬味道更濃更惹味。沙嗲煲($128) - 沙嗲湯底好道香濃，即使中間加過湯味道都仲係咁濃郁，但食完又唔會覺得口渴喎。頂級本地手切牛(例牌)($398) -  黎哩度打邊爐最主要係為左佢地個手切牛，因為佢地嘅手切牛都係用由山東牛同和牛混種嘅騸牯牛，每日全香港都係得十幾廿隻，非常罕有。手切牛顏色鮮牛，脂肪紋比 一般火鍋店嘅手切牛平均。淥幾秘淥到七成熟就食得，食落帶啲彈口牛味亦濃，果然貴得有道理！川色麻辣牛肉餃($88) - 牛肉餃餃皮唔會太厚，中間牛肉餡都幾多，食倒少少麻辣味，惹味之餘又唔會太辣，就算唔食辣嘅朋友仔都食倒。出前一丁($28) - 沙嗲湯最啱配返個出前一丁，好味又飽肚。總結，湯煲店面雖然比較簡單，但食材新鮮，仲有出面少有嘅騸牯手切牛，牛魔王一定要試下。