お肉割烹 而今

好耐都去過食好西，今次去呢間お肉割烹而今位於K11 MUSEA，晚市主要提供割烹料理。割烹料理入面「割」嘅意思係用刀切割食材,「烹」指用火煮食，喺割烹料理店食客可以直接觀看廚師烹調😊お肉割烹而今晚市席前料理經常會更新，今期主題係A5黑毛和牛，除咗慢烤同壽喜燒之外，大廚仲揀咗牛柳部位用嚟做吉列和牛多士🤤お肉割烹而今套餐 $1,980套餐順序係先付、椀物、向付、八寸、揚物、旬彩、鍋物、食事同甘味。每一款食物都超級精緻，而且當中包含咗慢煮、熟食、慢烤、吉列、壽喜燒等多款烹調方法，配合師傅嘅刀功同埋高質食材，令每款食物都達致色香味俱全。當中吉列牛柳三文治、和牛壽喜燒同八寸真係令我一試難忘😍吉列牛柳三文治大廚採用咗脂肪比較少嘅和牛牛柳，先慢煮再炸，肉質極軟嫩多汁，外層微脆，配合大廚特製醬汁同多士，味道層次非常豐富😋A5黑毛和牛壽喜燒壽喜燒採用和牛西冷部位，肉質軟嫩而且油脂豐腴。和牛先烤香，再加入野生松茸、牛蒡同特製醬汁烹調。黑毛和牛入口即化，蘸上少少蛋液令和牛香味更突出，吸滿和牛油香嘅野生松茸亦十分香甜味美😋八寸最初認識八寸就喺食懷石料理，八寸無固定嘅料理方式，師傅會精選唔同嘅季節食材配搭成一盤