鴻星中菜 (羅氏商業廣場) (已結業)

跟好好好姊妹在同一區返工，佢臨別秋波(我契B仔下星期出世)，想放產假前同我食個lunch，一於食大佢，三個人叫八樣野。。上湯鮮竹卷腐皮有少少脆而且索哂啲湯令餡料都好入味。咖哩魷魚好香每舊都充斥咖哩味，有咬口而唔硬。蜆芥鯪魚球熱辣辣炸起，醮蜆芥好有家鄉風味酥炸魷魚鬚魷魚無味，只有外皮有少少鹽同七味粉，麻麻地。菇菌腸粉素一素感覺清新，味道亦唔錯。芋絲炸春卷仲以為好似蜂巢芋角添，同一般春卷無兩樣。準人母話要食芋頭糕同燒賣一望就見有粒粒芋頭，即叫即煎，夠味道，但糕粉方面我覺得有啲「削」淋淋的。我1245放飯，佢就1300放飯，所以要極速食。。。好趕