粉紅水門雞 (衍慶街) (已結業)

呢間已經翻食左好多次，超級推薦！！！！雖然佢好似最近加左價，但係都依然超抵😍今次食佢最基本嘅粉紅水門雞飯($39)，為左方便收拾，所有餐具容器都係即棄，唔需要擔心衛生問題，但就會好多垃圾，不過都要讚佢對筷子唔係平時即棄木筷子咁，係好似平時重用嗰啲咁實淨。今次飲品叫左陳年柑桔蜜($12)，味道係道地橫桔檸檬少甜版，我覺得個甜啱啱好👍🏻啲雞好嫩，份量都比得多，但唔知係咪為左唔好過火，有時啲雞會有少少紅。佢有個醬可以點，味道酸辣，偏重口味，但係好食嘅。飯係油飯，粒粒分明，好香，有時仲會有埋啲香葉混雜左。鋪頭仲有其他主食，之前食過生菜包都好食，全部價錢都偏低，味道好，係超乎物超所值✨✨✨