良辰吉時 (已結業)

之前講過預計最近各大手搖茶店都陸續做優惠，果然今次到香港良辰吉時為慶祝一周年限時買一送一，指定招牌啵霸黑糖厚鮮奶同髒髒茶兩款。正價分别三十六同三十，優惠後都十幾蚊杯，甜度冰塊都無得調，因爲甜度係啵霸黑糖，剛煮好無冰塊會好熱，事實飮品到手啵霸真係仲熱，解釋合理。今次試招牌啵霸黑糖厚鮮奶，啵霸量比圖少啲，但甜度剛好，口感又Q，而面上嘅黑糖只有少量，粘哂上杯蓋，只咬到一兩粒，如果成杯都有依個囗感相信會好過癮！鮮奶味好香，就算有冰塊同黑糖都無淡化味道，比例到尾仍覺合適。