屯門咖喱屋

營業中

休息中

作為屯門牛，基本上都一定聽過屯門咖哩屋，個個食過都話好食，今日終於有機會試下。8點左右嚟到，可能地點唔算就腳，所以人數唔多，都有一兩張吉枱。第一次嚟食，梗係想盡量試多d野食，咁啱佢哋有個精選晚餐，乜都有，有小食、烤雞、咖哩、烤餅、飯，仲有野飲，胃口細d一定食唔晒。小食係一落order就有，係炸薯仔球，點d辣醬食幾開胃。之後係烤雞，鐵板熱住上，少少香料味，係略嫌乾左d 。跟住係咖哩牛腩，超林超入味，咖哩入面放左番茄，少少酸辣，勁好味，果然係調教過，啱香港人口味！最後係印度烤餅，好香ge油騷味，點咖哩食一流！依間餐廳仲有拉茶出名，不過因為套餐太大份，食完都已經飽到上心口，所以冇試到，下次一定要試埋。