影片
更多
2004-07-21
6 瀏覽
前日睇報紙介紹我地頭大埔一間意大利餐廳, 大大隻字介紹燴牛膝, 我朋友好想試於是就帶佢去啦: ) 基本上我係甚少在大埔食肆食飯的.....查查地址, 原來係位於大埔海寶花園, 以前Better Ole 個舊址, 裝修跟以前Better Ole 分別不大, 其實Better Ole 在大埔都算幾好食既一間西餐廳, 唔知點解會轉o左呢間意大利菜, 不過都有過之而無不及既感覺: )兩個人叫了兩個starters - 哈蜜瓜風腿和意式釀野菌, 唔差喎; 兩個main courses, 當然唔少得試燴牛膝($148), 另點了鵝肝牛柳($168), 都係水準之作, 真係唔多相信大埔有間咁pro 既餐廳, 而且大件夾抵食添!!! 燴牛膝可以話係招牌菜, 佢做到真係o岩o岩好, 唔係太爛, 筋部位置唔太硬又唔太lum, portion 又大, 兩個人都食唔晒, 配菜都好豐富, 味道一流呀!!! 鵝肝好食過岳飛餐廳, 不過好似細塊O左D, 牛柳order medium, 不過好似熟o左少少, 但都可以...最後點了兩款甜品, warm chocolate pudding & 意大利千層酥, 個pu
查查地址, 原來係位於大埔海寶花園, 以前Better Ole 個舊址, 裝修跟以前Better Ole 分別不大, 其實Better Ole 在大埔都算幾好食既一間西餐廳, 唔知點解會轉o左呢間意大利菜, 不過都有過之而無不及既感覺: )
兩個人叫了兩個starters - 哈蜜瓜風腿和意式釀野菌, 唔差喎; 兩個main courses, 當然唔少得試燴牛膝($148), 另點了鵝肝牛柳($168), 都係水準之作, 真係唔多相信大埔有間咁pro 既餐廳, 而且大件夾抵食添!!! 燴牛膝可以話係招牌菜, 佢做到真係o岩o岩好, 唔係太爛, 筋部位置唔太硬又唔太lum, portion 又大, 兩個人都食唔晒, 配菜都好豐富, 味道一流呀!!! 鵝肝好食過岳飛餐廳, 不過好似細塊O左D, 牛柳order medium, 不過好似熟o左少少, 但都可以...
最後點了兩款甜品, warm chocolate pudding & 意大利千層酥, 個pudding 一早焗定所以好少朱古力醬流出來, 同埋攤凍o左, 唔新鮮; 千層酥既吉士醬加了杏仁味, 我本人麻麻, 但個酥皮都算可以啦, 無肚食甜品都唔算損失既!
有待改善係服務質素, 做得咁專既意大利餐廳應該要求服務有番咁上下水準, 唔明點解無得訂位, 當我打去訂位時個女侍應既態度有點問題, 佢話無訂位服務係因為對顧客fair d, 免得有人打到電話訂好又唔黎囉囉囉囉囉, (咁其實唔可以留電話re-confirm o架咩??), 如果o向得大埔開得間咁上下既意大利菜, 又有人真係特登入大埔試你間餐廳, 無位的話叫人點算好呀? 相信識食既人, 要求一間餐廳唔止食物水準高, 服務都係相當重要, 如果服務差點叫人再黎幫襯呢??!!
張貼