風味館海鮮私房菜 (已結業)

九龍城--一個滿有情意結既地方。大學時代，幫一對小姊弟補習，佢地就係住係嘉林邊道。果時返學又係浸大，放學就去九龍城，差不多每日都係九龍城出沒，留下唔少腳印。不過畢業出黎工作後，補習老師既身份就要放低了；而九龍城呢個地方亦甚少踏足了。今日同媽咪話要去九龍城街市買餸煮新年飯！令我重遊九龍城大半日。夜晚同媽咪逛逛，見到呢間風味小館就入去試下。先黎個啤酒 同媽咪啤啤佢先兩母女的浪漫 哈哈。呢度個頭盤小食我超中意～～係酸酸甜甜既醃漬物同埋鮮炸蜜糖合桃。個合桃超香脆可口，真係想再encore!!又抵又足料雞煲！！唔係講笑，香味撲鼻。起初見到顏色偏淺，仲估計佢會淡味d. 點知 ....有驚喜雞件切得細細件 入口岩岩好 容易咬。花椒八角味重，感覺足料因為我同媽咪都係嗜辣之人，我地點左大辣，絕對無令我地失望！夠香 夠辣 夠熱好味！同媽咪打酒談心食雞煲，好溫馨既晚上 嘻嘻先黎個啤酒 同媽咪啤啤佢先