影片
更多
2009-09-01
18 瀏覽
7月1日, 慶回歸~ 食壽司~! 我地懷疑可能半個九龍嘅人都過咗香港參加七一大遊行, 於是今日旺角變得好好行~ 黎呢間東京迴轉壽司仲唔洗等位添!::: 三文魚壽司 ::: $10坐低無耐二話不說就拎咗碟三文魚壽司先! 三文魚頗新鮮, 紋路靚~ 油潤有光澤~ 而且真係幾厚的! 壽司飯size適中, 捏得夠實唔怕鬆散. 整體令人滿足~ 所以臨尾再encore多一碟, 都依然係咁厚切咁好味!::: 拖羅壽司 ::: $20又係極厚切! 不過呢個拖羅就認真麻麻! 魚生無乜油光, 明顯只得厚度, 有欠肥美. 切口差, 咬落成條筋癡住根本咬唔開, 要成塊魚生啪入口! 味道亦一般, 仲有少少腥, 呢件拖羅唔合格…::: 劍魚腩壽司 ::: $14都幾新鮮, 而且清甜~ 不錯~::: 龍蝦沙律壽司 ::: $11本周精選壽司大優惠之一. 係唔錯wor! 龍蝦粒落得幾多, 咬落夠彈牙, 仲加咗洋蔥粒, 整體味道豐富~ 略嫌沙律醬多咗d~ 不過$11真係好抵食!::: 櫻花魷魚壽司 ::: $11本周精選壽司大優惠之二. 櫻花魷魚落得重手! 望落十分大堆頭~ 味道亦不錯! 軍艦好唔好一定要睇埋塊紫菜脆唔脆
::: 三文魚壽司 ::: $10
坐低無耐二話不說就拎咗碟三文魚壽司先! 三文魚頗新鮮, 紋路靚~ 油潤有光澤~ 而且真係幾厚的! 壽司飯size適中, 捏得夠實唔怕鬆散. 整體令人滿足~ 所以臨尾再encore多一碟, 都依然係咁厚切咁好味!
::: 拖羅壽司 ::: $20
又係極厚切! 不過呢個拖羅就認真麻麻! 魚生無乜油光, 明顯只得厚度, 有欠肥美. 切口差, 咬落成條筋癡住根本咬唔開, 要成塊魚生啪入口! 味道亦一般, 仲有少少腥, 呢件拖羅唔合格…
::: 劍魚腩壽司 ::: $14
都幾新鮮, 而且清甜~ 不錯~
::: 龍蝦沙律壽司 ::: $11
本周精選壽司大優惠之一. 係唔錯wor! 龍蝦粒落得幾多, 咬落夠彈牙, 仲加咗洋蔥粒, 整體味道豐富~ 略嫌沙律醬多咗d~ 不過$11真係好抵食!
::: 櫻花魷魚壽司 ::: $11
本周精選壽司大優惠之二. 櫻花魷魚落得重手! 望落十分大堆頭~ 味道亦不錯! 軍艦好唔好一定要睇埋塊紫菜脆唔脆, 呢度都係合格以上~ 值得一試!
::: 炸蝦壽司 ::: $17
蝦係新鮮熱辣炸的~ 食時仲有少少辣口! 份量足, 啖啖都有蝦肉, 配上沙律醬十分香口~ 好味!
::: 吉烈蠔卷 ::: $17
有趣新嘗試! 呢個卷物唔係用紫菜包的, 係一層厚厚地好似魷魚絲質地嘅物體. 吉烈蠔炸得非常香脆, 而且鮮味十足, 加埋沙律醬真係good! Nice try~
::: 帶子壽司 ::: $20
呢度唔單只魚生厚切, 個帶子都真係拍得住峰壽司個珍寶帆立貝!! 睇樣都feel到隻帶子有幾肥美啦~ 真係起碼要分三啖先食得完!! 而且佢唔係得個大字, 仲要鮮度十足~ 極推介呀~
::: 下午茶餐 炸雞扒拉麵+凍檸檬綠茶 ::: $20
食下食下由lunch time食到tea time, 見到佢1個拉麵下午茶加埋野飲都只不過係一碟壽司嘅價錢!! 我同呀比都忍唔住叫了一個~ 奶白色的湯底配上尚算爽口彈牙的拉麵, 配料有粟米蔥粒雲耳同蟹柳~ 炸雞扒皮脆肉嫩乾身, 真係炸得唔錯! 檸檬綠茶似係道地嘅出品~ 而且夠凍~ 我鐘意! $20真係平到無野講!
以前屋企附近有間東京迴轉壽司, 不過見佢upup dupdup一直無試過. 今日一試原來佢係咁出色架~ 而且仲抵食夾大件! 一定會再翻食的~
張貼
