影片
更多
2003-10-23
13 瀏覽
睇o左GourmetKC o既食評後, 一定要試o下'E記' o的卡巴有幾好味. 今日終於有機會...羊肉卡巴($45): 佢地又係用'doner kebab' 個名, 但賣o既其實係'shawarma' (羊肉/雞肉片疊起一塊塊成為'loaf'狀;而正統o既doner kebab 就同o係「卡巴卡巴」賣o既一樣,用免治羊肉o黎堆成loaf).話雖如此, o的羊肉片烤得恰到好處, 夠嫩又多汁, 醃得又幾入味; 又多醬料選擇, 我選o左蒜蓉,薄荷同埋大香辣汁, 配得好好味! 下次要試o下芝麻醬(tahini)睇o下掂唔掂.唯一美中不足o既係價錢, 45蚊一個卡巴(唔包飲品)都幾貴(雖然lunch時段有35蚊o既'細碼'選擇), 但好在份量都夠飽肚, 而且又多鬼佬光顧(前面就係駱克道o既酒吧區), 水準一定保持番咁上下. 正所謂一分錢一分貨, 與其食「意大利噹拿屋」o個o的平到低劣不堪o既噹拿,不如俾多小小o係呢間或者隔一兩條街o既「卡巴卡巴」好過.P.S. 下次有機會就試埋雞肉卡巴,Falafel同埋Moussaka先再評. ^_^
羊肉卡巴($45): 佢地又係用'doner kebab' 個名, 但賣o既其實係'shawarma' (羊肉/雞肉片疊起一塊塊成為'loaf'狀;而正統o既doner kebab 就同o係「卡巴卡巴」賣o既一樣,用免治羊肉o黎堆成loaf).
話雖如此, o的羊肉片烤得恰到好處, 夠嫩又多汁, 醃得又幾入味; 又多醬料選擇, 我選o左蒜蓉,薄荷同埋大香辣汁, 配得好好味! 下次要試o下芝麻醬(tahini)睇o下掂唔掂.
唯一美中不足o既係價錢, 45蚊一個卡巴(唔包飲品)都幾貴(雖然lunch時段有35蚊o既'細碼'選擇), 但好在份量都夠飽肚, 而且又多鬼佬光顧(前面就係駱克道o既酒吧區), 水準一定保持番咁上下. 正所謂一分錢一分貨, 與其食「意大利噹拿屋」o個o的平到低劣不堪o既噹拿,不如俾多小小o係呢間或者隔一兩條街o既「卡巴卡巴」好過.
P.S. 下次有機會就試埋雞肉卡巴,Falafel同埋Moussaka先再評. ^_^
張貼