Gees Restaurant & Bar (已結業)

今日同男朋友週年紀念。咁岩佢係上環做完野，我就即刻openrice下附近有咩fine dining正，可以食好d慶祝一番☺見到呢間裝修好warm, 感覺幾寧靜舒服，就選擇左呢間。我地揀左一個自成一角既位坐，好private, 好舒服。今晚好想歎番杯靚酒😌呢度既wine list都幾多選擇。簡單紅，白酒，香檳都有好多選擇，而且價錢仲好合理。餐前既包點都係我中意食的，有幾款選擇。我點左銀鱈魚，同埋一杯evans & tate白酒。銀鱈魚煎得恰到好處，肉質好軟滑，魚汁仲好好咁鎖住係肉裡面，一切開就滲出黎，好香好滑。拌碟既菠菜蓉超讚👍🏻我相信係加左橄欖油黎炒，菠菜仲好嫩，食落口又香又爽。Evans & tate係我一向飲開既chardonnay白酒。味道偏酸，入口酸中帶甜，比較薄，我好喜歡。我都encore左兩杯，嘻嘻。最後要讚下佢個洗手間，裝修簡潔舒服，而且非常清潔，仲有陣陣既香薰味令人好享受。