Crostini Bakery & Cafe (已結業)

尋日去左Crostini買麵包同蛋糕，見到新出嘅兩款月餅都好吸引！有皇牌「柚子奶黃月餅」同「法式伴月」，分別係奶黃餡加入柚子同由慕絲蛋糕組合而成。屋企人平時鍾意食奶黃月餅，加入柚子應該好清新～即刻買盒返屋企試下先！金黃色餅皮好吸晴，切開之後聞到好香濃既奶皇味，食落奶黃餡幼滑細緻，加入天然清甜柚子特別清香。特別一讚係全手工香港製造，天然又低糖，食落清新唔膩口！禮盒包裝精緻又新穎，送禮自用都咁岩！食膩左傳統月餅，想試下新口味，Crostini嘅「柚子奶黃月餅」都係唔錯既選擇！