Running 燒 (已結業)

等咗三個月終於開返夜市啦，晚上六點後可以約下三五知己談下心。最近將軍澳海旁開咗好多食肆，喺海邊逛逛再坐低飲吓嘢，一樂也。晚飯想食韓國燒烤，嚟到Popcorn商場有間Running燒，大約七點座無虛席。反之附近嘅餐廳都冇坐滿人。舖頭入面卡位有好多，有buffet table包括蔬菜類任攞，茄子，翠玉瓜，青椒，菇類。食多肉嘅時候配上蔬菜比較冇咁肥膩。熟食最喜歡係柚子炸雞，皮脆肉嫩，柚子汁少少甜味。燒嘅肉類質素都幾好，醃料唔太鹹，豬頸肉嘅肥瘦好均勻。個網燒內左會變黑，可以免費換新網，之前試過有啲餐廳換網要額外收費。甜品仲有雪糕櫃內嘅dreyers yogurt低卡路里雪條，士多啤梨同青提味可供選擇。食到捧住個肚離開。