影片
更多
2020-06-14
351 瀏覽
間唔中試下貴少少嘅甜品獎勵自己，心情都好d(笑。呢間鋪係扶手電梯隔離，細細間，蛋糕望上去都好精緻。🍅檸檬芝士撻 hkd36/pc本來以為係類似new york cheesecake果種實淨嘅口感，點知原來係cream cheese(簡介有，係我無睇清楚)。講真我就唔係好鐘意呢類口感(類似mousse?)，所以有少少失望。忌廉芝士嘅檸檬味好香，食得出檸檬嘅酸，甜度唔高，入口綿滑。成件蛋糕酸酸甜甜，但無咩芝士味(其實有特別口味嘅芝士蛋糕都係咁，兩者都好難取得平衡)。蛋糕邊邊位有d唔知咩葉，應該係裝飾用，食唔出係咩。餅底方面，大概可以分三層，第一層就真係似紐約芝士蛋糕嘅口感，第二次似牛油蛋糕(磅蛋糕果種)，最底就係曲奇底，有少少硬。佢話係杏仁撻底，可惜無杏仁味，但都唔錯。可惜，即使唔係好甜，但係食到最尾都係有d膩，呢個可能係大部分cheesecake嘅弊病。而且好多價錢更平嘅餅鋪都可以做到呢個水準，雖然好味但算唔上一試難忘。🍅意式士多啤梨蛋糕 hkd40/pc店員見我揀左好耐都唔知揀邊樣，就熱情咁推薦左意式士多啤梨蛋糕同藍莓芝士慕斯蛋糕。可惜我唔鐘意慕斯，所以就選擇左呢款。蛋糕聞上去有好大陣
🍅檸檬芝士撻 hkd36/pc
本來以為係類似new york cheesecake果種實淨嘅口感，點知原來係cream cheese(簡介有，係我無睇清楚)。講真我就唔係好鐘意呢類口感(類似mousse?)，所以有少少失望。
忌廉芝士嘅檸檬味好香，食得出檸檬嘅酸，甜度唔高，入口綿滑。成件蛋糕酸酸甜甜，但無咩芝士味(其實有特別口味嘅芝士蛋糕都係咁，兩者都好難取得平衡)。蛋糕邊邊位有d唔知咩葉，應該係裝飾用，食唔出係咩。
餅底方面，大概可以分三層，第一層就真係似紐約芝士蛋糕嘅口感，第二次似牛油蛋糕(磅蛋糕果種)，最底就係曲奇底，有少少硬。佢話係杏仁撻底，可惜無杏仁味，但都唔錯。
可惜，即使唔係好甜，但係食到最尾都係有d膩，呢個可能係大部分cheesecake嘅弊病。而且好多價錢更平嘅餅鋪都可以做到呢個水準，雖然好味但算唔上一試難忘。
檸檬芝士撻
$36
91 瀏覽
0 讚好
0 留言
🍅意式士多啤梨蛋糕 hkd40/pc
店員見我揀左好耐都唔知揀邊樣，就熱情咁推薦左意式士多啤梨蛋糕同藍莓芝士慕斯蛋糕。可惜我唔鐘意慕斯，所以就選擇左呢款。
蛋糕聞上去有好大陣士多啤梨味，外層有好多cream，上面鋪滿士多啤梨，果肉清甜，士多啤梨面頭有一層啫喱(應該?)。
蛋糕胚係朱古力海綿蛋糕同夾雜住士多啤梨果肉嘅草莓味忌廉。朱古力味濃度啱啱好，連埋d忌廉一齊食，既唔會遮蓋清新嘅草莓味，又唔會食唔出朱古力味(如果佢嘅檸檬芝士都做到呢點就好la)。入面嘅士多啤梨同面頭嘅相比就有d酸，同甜嘅忌廉配合得好好，令成件蛋糕酸酸甜甜，無咁膩，反而比甜嘅果肉更好。
朱古力，忌廉同酸草莓配合，令成件蛋糕好有層次，味道清新自然，甜而不膩。個人認為檸檬芝士撻應該係欠缺正真水果自然嘅酸味，所以先會越食越漏。
意式士多啤梨蛋糕
$40
95 瀏覽
0 讚好
0 留言
整體而言，意式士多啤梨蛋糕明顯更勝一籌，不愧係店員口中嘅銷量較高款。相比之下，反而期待較高嘅檸檬芝士撻就有d失色，但都可以話唔錯。
張貼
