10
10
3
等級4
125
0
檸茶唔錯
2017-08-17 1296 瀏覽
超過一年無嚟,對上一次係來食粥.見可以即刻入座所以再次幫襯.叫咗個豬扒煎蛋飯跟熱檸茶.待應忙好癲,想搵人攞杯水都無.依度單人客多,出餐極快,真係一轉個頭,飯已經放係面前.檸茶好快就到,不得不讚既係檸檬味非常重,原本我少少鼻塞,離遠聞到已經通返少少.靠近聞當然完全通晒啦.碟飯果隻蛋既黃係全熟,好彩未係完全硬掘掘,明明見到對面客人既蛋好靚架.豉油汁好少,調較得偏甜,不過唔算過火.有幾片軟冧冧既椰菜隔著係飯同扒中間,味道竟然唔錯.飯有少少黐埋一舊舊,因為軟綿綿,都唔算難入口.豬扒係薄切既,可能係過氣豬扒,煎咗一排到有人叫時再興返熱佢.雖然唔油膩,但肉質乾乾地,唔好指望有肉汁.明明入來果陣仲係好天既,食完飯就落大雨,仲要無帶傘.
更多
超過一年無嚟,對上一次係來食粥.見可以即刻入座所以再次幫襯.叫咗個豬扒煎蛋飯跟熱檸茶.待應忙好癲,想搵人攞杯水都無.依度單人客多,出餐極快,真係一轉個頭,飯已經放係面前.
檸茶
59 瀏覽
0 讚好
0 留言
 檸茶好快就到,不得不讚既係檸檬味非常重,原本我少少鼻塞,離遠聞到已經通返少少.靠近聞當然完全通晒啦.
豬扒煎蛋飯
60 瀏覽
0 讚好
0 留言
 碟飯果隻蛋既黃係全熟,好彩未係完全硬掘掘,明明見到對面客人既蛋好靚架.豉油汁好少,調較得偏甜,不過唔算過火.有幾片軟冧冧既椰菜隔著係飯同扒中間,味道竟然唔錯.飯有少少黐埋一舊舊,因為軟綿綿,都唔算難入口.豬扒係薄切既,可能係過氣豬扒,煎咗一排到有人叫時再興返熱佢.雖然唔油膩,但肉質乾乾地,唔好指望有肉汁.
明明入來果陣仲係好天既,食完飯就落大雨,仲要無帶傘.
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐日期
2017-07-20
用餐途徑
堂食
人均消費
$34 (午餐)
推介美食
檸茶