潮記

營業中

休息中

疫情由過年後就開始升溫, 所以農曆新年後嘅LUNCH 都係食外賣。公司又鄰近柴灣角熟食中心, 基本上都係去呢度買外賣。平日同事都係食開吳章記嘅三餸飯，但食得多都想試下新嘢。於是我哋就去試下平日排三餸飯時成日見到嘅潮記，見佢MENU 有潮式、日式同韓式。又可以WHATSAPP 同打電話去落單, 落完單餐廳會WHATSAPP 返張單俾我, 感覺幾好! 日式照燒鯖魚飯係蛋包飯呀! 開心! 另外有個燒汁另上。鯖魚好厚實, 而且入味, 煮得好淋! 蛋都好滑, 加埋個甜甜地嘅燒汁, 勁好送飯! $50 包熱飲/湯, 算幾抵! 另外, 有次想星期五叫外賣, 點知原來佢哋只係開星期一至四, 想叫外賣嘅朋友留意下。