影片
更多
2021-05-04
353 瀏覽
🗺柴灣角街响邊㗎？🗺推介指數 ❤️❤️❤️❤️❣️除咗大家熟悉嘅觀塘駱駝漆，柴灣角街工業大廈都有唔少好地方搵食。難得朋友晏晝放假，見到The 5B Afternoon Set 做緊promotion就偷一個閒一齊去試新嘢同慢活一下。Cafe位於柴灣角工廈，留意柴灣角街响荃灣唔係柴灣㗎！店內裝修比較日系，以白色同木作主調，地方寬敞舒適，周邊睇到唔少悉心佈置，甚至有種家嘅感覺。✨Afternoon Tea Set Special Offer HKD288/for 2 or HKD148/for 1 ✨下午茶套餐包括11款食物、鹹點5款，甜點6款同1杯飲品。飲品方面可以選擇甘草薄荷花茶、伯爵茶或者即磨咖啡㗎。更可以半價選擇其他飲品㗎，有特式咖啡、coffee cocktail、latte、花茶、梳打等。由上至下，左至右：🥭夏日芒果熱情果慕絲蛋糕：外觀似粒桔仔，內藏芒果同熱情果mousse，感覺好清新！🍅自家製冰梅浸串茄：好有驚喜嘅串茄，以冰梅浸好開胃，食落仲有濃郁sake 嘅味道，好食到食埋朋友個粒！🍊英式柑橘伯爵茶慕絲蛋糕：茶香好出色，仲有柑橘餡料，建議食伯爵茶先食芒果熱情果，味道輕身啲。🌿自家製班
推介指數 ❤️❤️❤️❤️❣️
除咗大家熟悉嘅觀塘駱駝漆，柴灣角街工業大廈都有唔少好地方搵食。難得朋友晏晝放假，見到The 5B Afternoon Set 做緊promotion就偷一個閒一齊去試新嘢同慢活一下。
Cafe位於柴灣角工廈，留意柴灣角街响荃灣唔係柴灣㗎！店內裝修比較日系，以白色同木作主調，地方寬敞舒適，周邊睇到唔少悉心佈置，甚至有種家嘅感覺。
✨Afternoon Tea Set Special Offer HKD288/for 2 or HKD148/for 1
✨下午茶套餐包括11款食物、鹹點5款，甜點6款同1杯飲品。飲品方面可以選擇甘草薄荷花茶、伯爵茶或者即磨咖啡㗎。更可以半價選擇其他飲品㗎，有特式咖啡、coffee cocktail、latte、花茶、梳打等。
Afternoon Tea Set
$288
22 瀏覽
0 讚好
0 留言
由上至下，左至右：
🥭夏日芒果熱情果慕絲蛋糕：外觀似粒桔仔，內藏芒果同熱情果mousse，感覺好清新！
🍅自家製冰梅浸串茄：好有驚喜嘅串茄，以冰梅浸好開胃，食落仲有濃郁sake 嘅味道，好食到食埋朋友個粒！
🍊英式柑橘伯爵茶慕絲蛋糕：茶香好出色，仲有柑橘餡料，建議食伯爵茶先食芒果熱情果，味道輕身啲。
🌿自家製班蘭意式奶凍：面層嘅椰香滑溜，底層嘅班蘭葉味道濃一點更好，唔小心就食哂，想搶埋朋友個杯。
🧀柚子芝士蛋糕：芝士味濃郁，質地軟滑，配上清新柚子，甜酸味控制得剛剛好！
🍫經典石板街朱古力蛋糕：朱古力味濃郁，加上軟綿綿嘅綿花糖，質地好有口感，充滿童年回憶！
🇬🇧自家製英式鬆餅：心型scone 係咪好可愛，焗得好靚嘅金黃色，外脆內軟，仲有牛油香又咖唔覺得膩，附上心型clotted cream 同jam，大滿足！
🐥黃金雞肉條：雞肉味濃郁，配上甜酸醬好醒胃！
🥭香芒海蝦紅菜頭撻：外觀好可愛，粉紅色嘅藍仔載滿食物。海蝦新鮮再配上芒果同紅菜頭，感覺清新！
🥑牛油果沙律蛋多士：牛油果配蛋沙律係完美組合，牛油果生熟程度剛好、質地好軟滑，底層多士十分脆口！
🌊北海道帶子一口酥：酥皮鬆脆，帶子鮮甜更捲成花嘅形狀，底下更鋪滿沙律，大滿足！
凍cappuccino & 玫瑰荔枝梳打
20 瀏覽
0 讚好
0 留言
🧊玫瑰荔枝梳打(右)：外觀粉紅色好靚，面層有玫瑰花瓣，仲有2大粒荔枝肉，飲落玫瑰花盛開且充滿荔枝味，味道一啲都唔假，感覺令人好chill~
🧊凍cappuccino(左)：奶泡細密，入口順滑，味道似日式咖啡。
整體質素好滿意，鹹甜點都好高質素，而且價錢合理；店員親切友善，服務態度細心；食完仲可以行海濱散步或者去南豐紗廠打卡！
總結：-
食物 ❤️❤️❤️❤️❣️
環境 ❤️❤️❤️❤️❣️
服務 ❤️❤️❤️❤️❤️
.
·
餐廳：#the5bprivatecorner (荃灣)
地址：荃灣柴灣角街38-40號銓通工業大廈5樓B室
Afternoon Tea Set
$288
26 瀏覽
0 讚好
0 留言
張貼
