栢檔極品海南雞飯 (已結業)

海南雞飯基本上係我嘅飛佛,今次就試下荃新天地嗰間柏檔嘅海南雞飯。舖頭唔大但係裝修屬於簡約明亮,以快餐店標準合格有餘。佢哋走快餐路線,大家當然唔會期望有高級侍應服務,佢啲侍應勤快俐落,冇畀面色客人睇,我就認為已經OK。下午茶海南雞飯套餐$42, 海南雞配油飯,另外要咗個唔需要加錢嘅例湯,例湯係青紅蘿蔔煲豬骨,尚算大碗,味道不過不失。海南雞有6件,一件翼、兩件胸、三件雞髀肉,似乎已經配好,雞肉香滑有雞味,油飯相當惹味😋,下午茶嚟講份量合理。份餐算係好味,性價比唔錯👍。🍽 餐廳: 栢檔極品海南雞飯🏠 地址: 新界楊屋道1號荃灣荃新天地1期地下27-28號舖#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover #foodstagram #美食分享 #食好西 #美食寫真 #hkig #hongkong