泉章居 (已結業)

為咗慶祝表弟畢業，今日一班親戚嚟到泉章居食晚飯。以酒樓小菜嚟講，呢間都算係相當唔錯，每一碟菜嘅質素都好平均。鹽焗雞果然係招牌菜，咸香味濃，雞身嫩滑，隻雞本身好大份，十幾人食都夠。梅菜扣肉都好吸引，醬油帶甜，豬腩肉入晒味，雖然好肥膩，但無豬油嘅騷味。而我最鐘意嘅係炸釀豆腐，新鮮炸起，舊舊都熱辣辣，而且皮好脆，但入面無因為咁而炸到乾晒，豆香味都好濃，上面嘅釀物有少少咸魚香（真實係咪咸魚有待確認），同平時嘅魚肉味道多層次好多，同本身無調味嘅豆腐一齊食就啱啱好。成餐飯都喺水平之上，不過對正風口位，啲食物好快吹凍曬，要喇喇林襯熱食先得。