壹茶

營業中

休息中

朋友介紹，推薦試下呢間小店。買奶茶嘅時候，收銀姐姐問我有冇學生證，足足令我暗爽左一日🤣🤣🤣。我鍾意飲芝士奶蓋茶。好耐好耐之前係喜茶嘅fans。終於喺香港搵到取代品，就係葵廣嘅茶芝味。呢一間嘅芝士奶蓋拍得上葵廣嘅茶芝味！佢做得比茶芝味出色嘅係個茶底。我點左桂花烏龍茶，桂花味好濃好香，烏龍味都出，令人幾印象深刻。至於佢個奶蓋，味道上係OK嘅，夠芝士味同埋有芝士嘅鹹味，鍾意佢芝士味濃過奶味。唯一我覺得飲落太滿足嘅係，佢個奶蓋太稀...umm冇乜口感，因為太稀，芝士味停留唔到太耐，好快就溶晒嗰啲茶到，比茶味蓋過。