Pancake 專門紗織 (已結業)

早前已經試過佢地嘅班戟覺得幾好食所以諗住再去食，原來佢地出左新menu，新推出左櫻花季節限定，除左有櫻花系列嘅班戟，最吸引我係佢地出左一款和食10品《櫻の膳》，見有咸食就一於試一試，賣相真係好靚，九格入面有齊湯、前菜、小食、甜品，另外仲有一碗昆布湯烏冬，真係好豐富，唔好睇小佢地每樣細細份，其實一個人食好夠飽。九格入面分別係: 北海道粟米湯、豆腐蘆薈芝麻沙律、和風菜包、鴛鴦玉子、唐揚炸雞、日式汁煮鮑魚、小甜薯、香燒青魚、原味班戟。而個昆布湯烏冬亦好大碗，個湯底好清甜，整體食物令人滿意。另外飲品叫左黑豆茶，食完野飲啖茶真係大滿足！