影片
更多
2021-10-19
15 瀏覽
猶記得當日落大雨，少少淋濕左，一坐低飲啖熱茶，再送上一碗超有誠意嘅蝦湯，第一印象已經好好，之後每一道菜都稱心滿意。夢之丼 ($298)有齊我最鍾意嘅刺身，有牡丹蝦、帆立貝、海膽、松葉蟹、左口魚裙邊、三文魚蓉同三文魚籽，樣樣都好新鮮。 每次食刺身丼飯第一時間一定係食晒啲海膽先，好驚喜嘅係呢度嘅海膽超甘甜，食完即刻有衝動散叫海膽黎啪。 配左一細杯橙醋，店員話可以淋落去魚生飯或者就咁飲，平時少飲醋都覺得勁好飲。肉眼扒配細拖羅蓉丼 ($188)老實講塊肉眼扒比起圖示薄好多，所以第一下有少少失望，但估唔到牛味比起著名扒房都毫不遜色，以質量取勝，包起少少蔥再點醬汁冇得彈。拖羅蓉丼好足料，赤醋飯同拖羅味道好夾，加少少師傅即磨嘅Wasabi，成個set都令人好感動。花錦魚生丼 ($188)好多時呢類角切魚生飯都會有種唔多新鮮嘅碎料感覺，但花錦魚生丼每一款魚生都好厚切新鮮，同其他丼飯比都毫不遜色，尤其鍾意玉子漬撈飯之後將味道提升。蟹膏豆腐好有驚喜，蟹膏係類似甲羅燒嘅味道，簡簡單單但鮮味十足，又有火炙嘅香口，朋友讚口不絕。深海池魚刺身 ($78)非常厚身紮實，好有魚香，物有所值。法國蠔 ($56) 好抵食
夢之丼 ($298)
有齊我最鍾意嘅刺身，有牡丹蝦、帆立貝、海膽、松葉蟹、左口魚裙邊、三文魚蓉同三文魚籽，樣樣都好新鮮。 每次食刺身丼飯第一時間一定係食晒啲海膽先，好驚喜嘅係呢度嘅海膽超甘甜，食完即刻有衝動散叫海膽黎啪。 配左一細杯橙醋，店員話可以淋落去魚生飯或者就咁飲，平時少飲醋都覺得勁好飲。
肉眼扒配細拖羅蓉丼 ($188)
老實講塊肉眼扒比起圖示薄好多，所以第一下有少少失望，但估唔到牛味比起著名扒房都毫不遜色，以質量取勝，包起少少蔥再點醬汁冇得彈。
拖羅蓉丼好足料，赤醋飯同拖羅味道好夾，加少少師傅即磨嘅Wasabi，成個set都令人好感動。
花錦魚生丼 ($188)
好多時呢類角切魚生飯都會有種唔多新鮮嘅碎料感覺，但花錦魚生丼每一款魚生都好厚切新鮮，同其他丼飯比都毫不遜色，尤其鍾意玉子漬撈飯之後將味道提升。
蟹膏豆腐好有驚喜，蟹膏係類似甲羅燒嘅味道，簡簡單單但鮮味十足，又有火炙嘅香口，朋友讚口不絕。
深海池魚刺身 ($78)非常厚身紮實，好有魚香，物有所值。法國蠔 ($56) 好抵食，唔點醬都唔會腥，幾新鮮。
見like ig,fb有得送刺身，即時like齊哂。 免費黎講都有咁厚既三文魚同帆立貝真係唔話得，質素甚至比一般餐廳單點嘅刺身好，必須要lam盡呢個着數。
地點唔算好方便，但當晚人客都源源不絕，仲有少少居酒屋嘅氣氛，實在係土瓜灣嘅名物。
張貼
