梨滿園韓國料理 (已結業)

一到冬天就好想食啲暖笠笠嘅嘢，所以我今日揀左梨滿園食韓國嘢，地方唔算大但係座位亦算舒適，未食主菜已經有成十款配菜攞出嚟畀我哋食，我哋叫咗一個石鍋泡菜飯。一碟壽司卷，韓式拉絲芝士雞，拉絲芝士紫菜蛋石鍋泡菜飯不單止好大碗，唔同嘅配蔬菜，啲泡菜唔算好辣但係好好味，在配埋面上海苔食起嚟，又香又暖。韓式拉絲芝士雞，真係每一下都黐滿滿嘅拉絲芝士，芝士又香又濃配合埋個雞簡直完美。拉絲芝士紫菜蛋，夾上嚟就已經聞到香濃嘅芝士味，如紫菜同蛋配合埋，好食到停唔到口。最後係個韓式壽司同我哋平時食嘅壽司有啲唔同，比較硬身一點，不過也好好味。