梨滿園韓國料理 (已結業)

一係唔食，一係就要試新野，所以朋友話有新既韓燒餐廳，唔去唔得啦。平時去既韓燒，坐既地方會比較硬，而梨滿園既座位都可以講係舒服，而且當我坐係卡位個陣，面前既升降機上上落落，人出出入入，感覺好得意。醬豬手平時既我係唔食豬手，因為會有陣騷味。但係呢個豬手反而無騷味之餘，再加上生菜同辣菜既配搭，感覺好新鮮，唔夠喉仲可以加D醬。咬落去，先爽後軟，跟住辣味會係慢慢從菜裡面辣出來，令你成個人慶合合。濟洲島黑毛豬五花腩呢個係講求視覺感受，當你燒個陣，睇住D肥油位由固體變成透明，跟住D油係周圍流，個陣真係流口水。肉唔太多，但出奇既係肥既部位食落去唔覺得油膩，於是...我又食多左幾塊。烤豬柳開頭都以為烤豬柳食落去好硬唔會斷，偏偏呢個就相反。烤完，一咬，斷左，呢個就無醃過既，所以可以自己加上油鹽調味，但記得點小小夠了，唔係就好似我咁之後係咁飲水。烤大蝦一隻隻大蝦訓係烤爐上面，慢慢咁由生變熟，仲要係個爐之前有烤過五花腩同醃製過既牛肉。食落去，唔會鬆散，好有咬口，仲可以唔洗加醬油食都得，夠味。總結來講，舒服既環境，再加上咁多好味既野食，跟住我今晚之後就要減肥。不過，值得既，因為真心覺得好食！