海港薈

營業中

休息中

辛苦了一個星期，星期六梗係瞓晏啲，瞓飽先來食嘢，去咗北京道1號對住靚景影飲茶，今日陽光燦爛，望出去有層薄霧，維港真漂亮。有咁靚個景，價錢又好合理，小點$22起，中點$26，大點$30，精點 $33，特點$38。都係食基本點心，最出色就係叉燒，全部都係用黑毛豬做的。黑毛豬叉燒腸，黑毛豬叉燒包，肉質真係唔同，比平時食到得更有咬口，同時又鬆軟，叉燒汁好好味帶點甜，好食指數高。招牌三色包真的可愛，分為是核桃包、黑金包、豬仔包，適合最後食作為甜品，合桃包裏面有合桃粒，甜到啱啱好。黑金包及豬仔包都是流心奶皇包，豬仔爆漿真可愛！甜度又係啱啱好，很香很滑。最後仲食咗合桃蛋撻做甜品