椰子日記 (已結業)

同朋友食完晏經過油麻地見到椰子日記，鋪頭以椰子做主打仲有勁大個椰子🥥當做碗，真係幾特別。#甜蜜桃膠椰凍秋天轉天氣，最岩食糖水，所以我叫左佢地招牌椰子凍系列「甜蜜桃膠椰凍」桃膠係平民燕窩，真係好足料，啖啖桃膠一d都唔吝嗇，仲好煙靱。底既椰凍係椰奶加椰子水製成所以香滑又清甜。#黃金海岸椰子碗朋友想食酸酸甜甜既，所以叫左黃金海岸椰子碗，主要生果為主。菠蘿+芒果+椰子片+炸椰絲粒，個底係將菠蘿同椰汁打成沙冰，菠蘿芒果都好甜，所以沙冰不會好酸。賣相仲好漂亮添。另外我地仲叫左紅芭樂乳酸同西柚乳酸，唔係好酸，生果味重仲有粒粒果粒。Ps: 個椰子食完唔好浪費帶回家，整燉湯甜品一流。