菓之店 (美芳街) (已結業)

係附近食完正餐 一班frd緊係唔想咁快散band search下有冇糖水舖比我地繼續吹下水意料之外～原來葵芳既糖水店一隻手數得曬大部分都係葵廣入面既舖仔 一係有d就好早就閂好彩近近地比我地搵到呢度！舖面不太 但都坐得落6到8枱人（掛住傾冇影舖頭裝修）簡單裝修走小清新風格 舒服又夠光猛 我地坐落傾計都覺得好舒服我地幾條友都比呢度既椰皇系列吸引叫左桃膠蓮子燉椰皇（$65）、紅豆奶皇（$55）、紫醉金迷（$55）、芒果奶皇（$55）呢排興桃膠 養顔恩物！加埋蓮子配上勁厚又稠既椰漿 飽腹感up up up 另外三個大致上都係椰汁底 加配芒果、紅豆、紫米椰香十足原個椰子上 食完糖水仲有得勺椰肉食正