漢斯 (已結業)

鰂魚涌多好嘢食就係人都知，不過放lunch嘅時間就好似打仗咁，一街都係人，今日晏咗出去食飯，不過周圍依然都係人頭湧湧 ，經過呢一間漢斯餐廳 ，感覺好似唔錯見到午餐都幾多選擇， 而且聽同事話，呢度嘅喇沙同埋咖哩嘅水準質素都幾高， 可以一試。入到去其實都幾多人，都好爆㗎， 不過人數喺某程度上，亦都代表係質素嘅指標。坐落都幾舒服，環境ok。lunch menu都有唔同嘅選擇， 而且都幾多款式， 而且仲大大隻字寫明：不加味精、不含色素，似乎唔錯喎。店長好熱情咁推介我試下佢哋嘅廚師精選， 我係即叫即焗 ，似乎唔錯 ，一嚟到已經好熱辣辣，仲聞到陣陣嘅咖哩同埋椰香味。雞肉都幾大粒，而且無骨，好細心，最啱我呢啲 怕麻煩嘅懶人。而且焗得好乾身，薯仔焗得脆脆地，金黃色咁，好香口。仲有啲蘿蔔、洋蔥等等唔同嘅蔬菜。不過我最鍾意都係個咖哩汁，真係冇味精，食落唔會好咸，唔會令喉嚨好乾。飲咗一半先記得影嘅柚子蜜 ，唔似坊間嘅死甜 ，涼得嚟都滋潤，唔錯。