極上龍吟海鮮丼專門店 (已結業)

唔講都唔知太子呢度都開咗一間專食日本丼嘅餐廳，夜晚做嘢做到好夜，同朋友仔一齊去試咗佢哋嘅丼。刺身丼選擇其實唔算好多，我揀咗個三文魚帶子丼😍，價錢好平唔使＄200 ,只係$139，原本都冇咩期望，點知一上枱就發現唔錯，三文魚塊塊厚切👍🏻，帶子有六塊，食落去仲要鮮甜度十足， 真係估佢唔到喎，額外一提嘅事佢哋每一碗飯都會有半隻溏心蛋🍳，好少食刺身飯會配埋溏心蛋，糖心效果做得好好😍而且唔會冇味，好想食多隻啊。