Lemongrass (已結業)

今晚放左工，約左老死食晚飯，心想今晚食咩好？老死提議去呢間食泰菜，佢話咁啱見到水牌，想試下。餐廳在希慎12樓，好鐘意餐廳的木枱和木椅子，配上果綠色背景，簡約又自然，感覺舒適輕鬆。蔗蝦來了！嘩！好大隻蝦鎚，啖啖肉又彈牙，反而蔗身幼左D，蘸上雞醬來吃，開胃又可以提鮮。泰式燒豬手，我鐘意佢個皮，香脆中會有鹵水味，配埋炸薯角，夠晒風味。辣椒膏炒大蜆，十分辣，帶點酸，汁濃好惹味，蜆肉大隻，好鮮味又煙韌。我和老死都叫左杯拉茶，味道有點甜，不過好香茶味，無奶茶咁滑，下次要少甜會更好喝。呢間泰國菜水準不錯，服務頗好。