樓下冰室 (已結業)

留咗係屋企咁耐，都要出下街抖下氣嘅，所以就約埋朋友一齊去附近食飯。一入到黎見到呢度做好晒所有防疫措施，有唔同嘅間隔，咁就食得放心啦。😗我哋嗌左特色蕃茄濃湯通粉配吉列魚柳扒，招牌瑞士雞髀，芝士焗西蘭花，我就嗌咗一杯忌廉紅豆冰。🤓🤓我最鍾意呢個特色蕃茄濃湯通粉，因為佢個蕃茄濃湯真係好濃，佢啲通粉又夠入味，最不得了嘅係啲蛋夠晒滑，我相信係加咗牛奶落去一齊炒嘅。食到滑嘅炒蛋真係個人都開心啲，唔怪得喺呢度招牌啦。😍😍至於另一個招牌瑞士雞髀，又係好入味，就算切開入面，全部嘅雞肉都有好香嘅瑞士汁，鍾意食瑞士雞髀嘅人真係唔可以唔嗌。😏😏芝士西蘭花呢，我最鍾意就係啲西蘭花煮得夠爽口，咬落去唔會太稔，正。😀不過我覺得最加分嘅位就係個杯忌廉紅豆冰，好少喺出邊其他茶餐廳會見到。我一見到就俾面頭嘅忌廉嚇親，真係夠晒足料啊，啲忌廉夠香，配埋紅豆蓉真係夏天消暑嘅最佳飲品😋😋😋