糖太子甜品 (已結業)

食完午餐，係呢頭附近行下，先知呢條街有好多野食，但我同阿肥好快咁已係街頭一間店食完午餐，行到呢間，被門口招牌吸引，想不到會有lunch set & 甜品食，可以兩者兼得，雖然食完lunch，照入，食甜品。店內都坐滿人，我地等左10 mins先有得入。唸住叫一杯西瓜沙冰爽下先，但黎左西瓜汁，haha西瓜汁好fresh，飲落好natural~~豬女叫左大大的一杯榴槤乳酪，配料有很多爆珠、粟米片同脆脆等。乳酪挺身甜甜的微酸，口感幼滑，配上脆脆，又另一口感。榴槤肉非常香，口感好creamy~超正！配上乳酪一齊食，滿足感從心爆出黎！阿肥叫左芒果千層配乳酪，芒果千層非常香！甜！滑！芒果肉又香又甜，好味。雖然無食到熟食，但店內環境舒適，輕聲的音樂伴耳，和朋友談心品嚐美點好去處！下次會再黎試埋熟食先得！