榴蓮王 (已結業)

聽朋友講廟街有間好好味既榴槤甜品小店，所以我今晚就好即興咁去尋找榴槤既蹤跡。呢間甜品小店係係廟街1號近油麻地地鐵站C出口，幾分鐘路程，地點方便易搵。佢係屬於街頭小店，所以冇固地既座位，只係有風味咁將枱凳放係路邊。Menu呢度係主打榴槤，而最出名就係日賣300個既爆餡D24白雪餅，但係我今晚都冇緣一試，因為已經售罄紅毛榴槤飲品$22呢杯紅毛榴槤其實係一種番荔枝既熱帶水果，飲落味道酸酸甜甜咁但又會好清新解渴，仲話係健康飲品有防癌功效tim榴槤拿破崙$32芒果拿破崙就食得多啦，榴槤拿破崙都係第一次食，呢個拿破崙外面既酥皮香脆，榴槤餡又多，一啖咬落去都真係爆漿榴槤芝士凍餅$38至於呢個凍餅，我諗都冇諗過芝士同榴槤原來可以咁夾。雖然兩樣都係濃味既，不過佢地唔會搶左對方既風頭，反而互相輝映，增強味道，一啖食落去先有濃郁既芝士味再有香甜既榴槤味，味道有層次，再加埋個餅底，大滿足貓山王榴槤卷$48呢個貓山王榴槤卷唔好睇佢賣相普通，食落真材實料，入面啖啖超濃貓山王榴槤果肉，再加埋外面香軟蛋卷皮，真係不得了，鍾意食榴槤既朋友一定唔好錯過