榴槤貴族 (已結業)

話說臨近中秋節。有係時候買吓月餅過下節。對比起傳統月餅。本人一路都比較鍾意食冰皮月餅。因為冇咁油膩之餘，亦都可以選擇自己鍾意嘅口味。今年一路煩惱緊到底買邊隻冰皮月餅。咁啱今日行開葵涌廣場。突然俾我聞到一陣好大榴槤味。身體情不自禁咁沿住味道嘅方向行去。俾我見到一間榴槤貴族喺度。最後買咗榴槤冰皮月餅。入面有兩隻口味包括貓山王同黑刺。貓山王冰皮月餅入面勁多貓山王果肉，咬落去嘅時候一陣陣榴槤味爆發出嚟，對比起我其他食過嘅貓山王榴槤冰皮月餅。味道濃好多，有一刻以為自己真係食緊貓山王。黑刺冰皮月餅，從店員口中得知。比起上年增加多20%嘅果肉。而且唔好睇佢外表黑蚊蚊。食落亦都係好重榴槤味。對比起坊間嘅榴槤冰皮月餅，我自己覺得榴槤貴族嘅榴槤冰皮月餅更值得大家嘗試。