蝦麵店 (海光街) (已搬遷) 新店位置

餐廳位於鰂魚涌B出口，沿天橋直行落去，再直行過緊路就到，十分便利。小店主打麵食。有三款湯底：辣味蝦湯底，咖哩喇沙湯底，豬骨雞湯底。海鮮辣味蝦湯麵2個麵都大大碗，海鮮包括有大蝦，魷魚，青口，腐角，蟹柳。外加左豆卜同墨魚丸。湯底深紅色，原來以為會好辣，食落發覺辣味只係好少，唔食辣既人都應該食到。反而湯底係好重好濃既蝦味。海鮮咖哩喇沙湯麵海鮮同樣係以上款式，咖哩喇沙湯底比辣蝦湯味道更濃味，同普通喇沙唔同就係多左咖哩既味道。兩款湯底我都覺得好好味，比較唔到邊款好食Ｄ，因為係兩種唔同既味道。如果有二人以上黎建議可以叫晒兩款一齊SHARE食。　炸魚皮份量好大既脆卜卜魚皮，放入湯時會發出沙沙聲，證明炸魚片仲係新鮮香脆。🔸環境寧靜，唔錯。🔸我覺得價錢可以調低少少，而相對份量可以少啲。