樓上大排檔

營業中

休息中

朋友灣仔收工突然之間都想食下大排檔，地鐵站附近其實有間樓上大排檔環境都唔錯，最重要唔會太嘈吵，坐得又舒服唔會好逼夾。越式咖哩牛腩煲配法包法包脆卜卜，點埋咖哩汁簡直一流，可以唔使食飯了，牛腩都好嫩口，薯仔都煲得好入味。馬拉盞炒通菜馬拉盞同通菜真係絕配，最鍾意呢個配搭，飲啤酒送下白飯，咁就剛剛好。菠蘿咕嚕肉配菜都好足料好多菠蘿，咕嚕肉肥瘦適中，唔會太過肥膩，甜酸味道調配得好好。椒鹽九肚魚送啤酒小菜，最重要佢個啤酒係有說到冰冰凍凍嘅戰鬥碗，用碗嚟飲嗰一種感覺就係特別唔同啲。