京都一串 (已結業)

沿着蘭桂坊行上去轉角位，見到有間食串燒，放工攰攰哋，充下飢都唔錯🙌🏻安格斯肥牛稻庭烏冬～稻庭烏冬質感煙煙韌韌，有彈力之餘，同肥牛一樣入口滑溜，配襯甜醬油香味嘅湯底，入口甘甜👍🏻燒番薯、燒豆腐～小番薯甜甜地，可以作為一道甜品。燒豆腐表面炸過再燒，入口超脆，上面怖滿柴魚，好有日式風味。兩款獨家燒物，明太子牛舌卷、紫蘇葉雞皮蝦卷，前者用牛舌捲着明太子粒，入口肉質彈牙，每啖都有明太子粒爆出黎，充滿咸香。後者雞皮超級脆口，咬落去蝦肉咇汁，帶有紫蘇葉嘅清香，好特別！