影片
更多
2022-08-07
1261 瀏覽
午餐時段去搵食，樓下茶記超多人等，就到環球樓上碰碰運氣，見之前同事有介紹過French lab，就試下佢啦。上到黎到full house，得返門口的bar枱，一個人坐邊都無乜所謂啦。店員好快送上餐牌，午餐包餐湯一客，仲有甜品小食等可以用優惠價加購。落完單，店員示意可以去自助corner斟水或茶，呢個蘋果茶幾好飲，幾香微甜，仲有凍或熱揀添。餐湯好快到了，是日係蘑菇湯，濃菌香味又creamy。🥪煙三文魚芝士蛋沙律意大利包午餐點左呢樣，上到枱意外地大份喎，厚厚的意大利包包仲配上一盤薯條，即炸的薯條十分香脆，仲有茄汁可以任落😆個包拎上手幾聚手呀，入面夾了厚切芝士，大量蛋沙律，鹹香的煙三文魚，仲有生菜蕃茄呢個無敵組合，真係好好味，啲餡多到邊咬邊漏出黎，食完半個已經飽左。🍮法式泡芙再飽都要食下甜品，另一個胃黎㗎，哈哈😝泡芙小小的很可愛，一個係雲呢拿雪糕餡，另一個係士多啤梨，個底仲有層朱古力，香口微甜一啲都唔膩，食兩粒無難度。☕Cafe Latte最後仲加左一杯啡，甜品配咖啡一絕。啡香奶滑，完美結束呢一餐～過左lunch time繁忙時間客人就唔多，可以慢慢欣賞下杯啡。旁邊仲有凍櫃賣佢自家食材，聽其
上到黎到full house，得返門口的bar枱，一個人坐邊都無乜所謂啦。
店員好快送上餐牌，午餐包餐湯一客，仲有甜品小食等可以用優惠價加購。
落完單，店員示意可以去自助corner斟水或茶，呢個蘋果茶幾好飲，幾香微甜，仲有凍或熱揀添。
餐湯好快到了，是日係蘑菇湯，濃菌香味又creamy。
🥪煙三文魚芝士蛋沙律意大利包
午餐點左呢樣，上到枱意外地大份喎，厚厚的意大利包包仲配上一盤薯條，即炸的薯條十分香脆，仲有茄汁可以任落😆個包拎上手幾聚手呀，入面夾了厚切芝士，大量蛋沙律，鹹香的煙三文魚，仲有生菜蕃茄呢個無敵組合，真係好好味，啲餡多到邊咬邊漏出黎，食完半個已經飽左。
🍮法式泡芙
再飽都要食下甜品，另一個胃黎㗎，哈哈😝泡芙小小的很可愛，一個係雲呢拿雪糕餡，另一個係士多啤梨，個底仲有層朱古力，香口微甜一啲都唔膩，食兩粒無難度。
☕Cafe Latte
最後仲加左一杯啡，甜品配咖啡一絕。啡香奶滑，完美結束呢一餐～
過左lunch time繁忙時間客人就唔多，可以慢慢欣賞下杯啡。旁邊仲有凍櫃賣佢自家食材，聽其他客講話個龍蝦湯同油鴨脾超正，自己加熱就食得，食完仲話返唔到轉頭。聽佢講到好心動㗎，不過外邊下緊超大雨，又無冰袋，都係下次黎食先買黎試啦。
張貼
