永年士多 (兆安廣場)

營業中

休息中

喺銅鑼灣返工，偶爾都會同同事去永年士多食車仔麵。佢唔算係新派嘅車仔麵，但勝在佢個辣汁夠辣夠濃郁，所以周不時會去食。今次就嗌咗佢嘅四寶麵，內有豬腸豬皮豬紅同蘿蔔四個餸。豬腸都幾彈牙，豬紅入味，豬皮味道亦不過不失，女仔食四個餸份量就啱啱好。除咗車仔麵，佢嘅撈麵都幾有驚喜，同事今次食咗牛筋腩撈麵。佢話牛筋好腍，配埋蝦子麵好惹味。有時夏天唔想食湯麵，撈麵都應該會係一個幾好嘅選擇。同同事兩個人share咗碟菜，係好嫩嘅腐乳通菜，$27 嚟講質素算對得起個價錢。至於嘢飲今次就嗌左樽仔奶茶同埋抹茶紅豆冰，樽仔奶茶幾滑幾夠茶味，可以一試。不過抹茶紅豆冰就略嫌抹茶味欠奉，覺得嗌普通紅豆冰就夠。呢一餐嘅食物質素都唔錯，不過就唔建議大家嗌咖央多士，因為味道太普通，真心建議留番啲quota食多一兩個餸，或者小食仲好。